Tommaso Campanella, De sensu rerum, p. 67
Caput XVI.
Si sensus esset potentia passiva
incorporea indivisibilis, non
posset nisi semel sentire; nec multa, nec contraria
simul,
nec simulachra eorum, sed corpori tenui mobilique
haec omnia
convenire.
~ Non modo Aristoteles rationem suae
positionis reddere nequit,
quo scilicet pacto potentia, ubi informata est
aliqua
forma sensibili, possit aliam recipere; cum quae intu est
prohibeat; vel
ubi reponat, quam habebat, dum novam
accipit: Et quo pacto, cum sit passiva, possit
proprium
deponere actum, ac spoliari suo perfectivo, quo cum est magis
unum,
quam compositum ex materia et forma: Cum materia nulla possit
propriam
formam depellere, nisi ab externa agente causa sibi auferatur:
Nec enim ignis
calorem, nec frigus terra deponunt, nisi a contrario
priventur: nec quomodo illam
oblivioni dat et postea meminit.
Sed et hoc deterius declarat, quomodo possit eodem
tempore
contraria sentire, calorem et frigus, albedinem et nigredinem, contrariisque
informari; cum sit incorporea, indivisibilisque potentia:
species autem multae
divisibilesque. Aiunt, non esse contraria haec in
cognoscente virtute, sed in rebus
ad invicem. Potentia autem contraria
ipsa iudicat, non fit. Sed hoc absurdum est.
Sic enim neque
potentia ipsa contraria esse iudicaret; ipsa enim res iudicat, prout
afficitur,
ab eis. Si a contrariis contrario modo afficitur, contraria
iudicat:
si simili, similia.
~ Quapropter nunquam iudicabit contraria, a quibus
non patitur
contraria. Pati autem est ifnormari aut Aristotetem [ Aristotelem]. Ergo simul
duobus contrariis informetur, est opus. Patet quidem in tactu
aliter
nos affici a frigore et aliter a calore; ideoque dicimus illud frigus,
hunc
calorem. Si autem ita non pateretur, sed sicut qui specillis utitur
rubris,
omnia rubra videt, et non suis colorata coloribus differentibus,
ita
potentia nisi conrario modo afficiatur, eadem reputabit esse contraria.
~ Praeterea
quomodo potest res multas simul sentire, nil dicunt, hac
ratione. Alij dicunt esse
in sensu contraria, sicut dulcedo et albedo
in pomo eodem subiecto res diversae: Sed
si ita est, Ergo potentia